જામનગર: વિશ્વ ફોટોગ્રાફી દિવસ નિમિત્તે જામનગર ફોટોગ્રાફર્સ એસોસિયેશન દ્વારા શહેરમાં વિવિધ કાર્યક્રમોનું આયોજન કરવામાં આવ્યું. કાર્યક્રમનો મુખ્ય ભાગ શહેરના ઐતિહાસિક વિસ્તારોમાંથી પસાર થતો સ્ટ્રીટ ફોટોવોક રહ્યો.
દરબારગઢથી શરૂ થયેલા ફોટોવોક દરમિયાન તસવીરકારોએ સુભાષ શાક માર્કેટ, સજુબા ગર્લ્સ સ્કૂલ, ચાંદી બજાર, માંડવી ટાવર અને બર્ધન ચોક જેવા વિસ્તારોમાં શહેરની ઇમારતો, બજાર, સંસ્કૃતિ અને રોજિંદા જીવનની ક્ષણોને કેમેરામાં કેદ કરી.
પછી બાલા હનુમાન મંદિર ખાતે ધ્વજવંદન અને સન્માન કાર્યક્રમ યોજાયો. આયોજકોનો ઉદ્દેશ ફોટોગ્રાફીને માત્ર કળા નહીં પરંતુ શહેરના ઇતિહાસ અને સંસ્કૃતિના દસ્તાવેજીકરણના માધ્યમ તરીકે પ્રોત્સાહિત કરવાનો હતો.
